تشابه أزياء يفصل بينها الذوق والأختيار السليم تشابه أزياء يفصل بينها الذوق والأختيار

ريتاج احمد · 10-14-2010, 12:18 AM


	تشابه أزياء يفصل بينها الذوق والأختيار السليم تحيتين كبار كبار .. على كل بنات تعب ومشرفاتها .. شخباركم وش مسويين ..؟! كل وحده أكيد تتمنى تكون مميزة .. سواء في لبسها ولا في شكلها بشكل عام عند الكل .. تتمنى تروح سهره والأنظار عليها دون غيرها .. كثير نروح مناسبات ولاجمعات وقعدات عائليه بسيطه .. ولانروح بيت صديقاتنا .. ونتفاجأ بأحد لابس مثلنا .. هنا حنا ننجلط .. بس متى تكون أزيائنا مكرره ..؟! ومتى نتفوق على غيرنا بمظهرنا حتى لو مشابه .؟! ماتتكرر الأزياء إلا إذا كانوا اللي لابسينهم من نفس الوسط .. وإذا من محالات لبيع الماركات وليس المصممين بعينهم .. بإضافة كل وحده وذوقها على اللبس اللي لابسته .. من أكسسوارات .. أحيان تدخيلات الاكسسوارات على الفساتين .. مثل الأحزمة والشك والتطريز البسيط يغير من معالم الفستان .. الأحذيه والشنط .. هنا مشكلة البعض .. هذا من مكمل اللبس .. واللي يعطي اللبس جمال .. وكثير يخطأون في أختيار المناسب لهم مع المناسب للفستان .. إن شاء الله اليوم بنسلط الضوء على مجموعة من لهم مثيل بالبس .. وبنتكلم عن تدخيلاتهم وأيهم أحسن وأيهم أسوء .. وبنضع نقاط معينه لأختيار اللبس و كيف تكونين مميزه عن غيرك.. وتخطفين الانفاس .. حتى لو شفنا تشابه باللبس .. لكن تظلين إنتي توب 1 .. أعذروني بطول بالموضوع كثير .. يتبع ..

ريتاج احمد · 10-14-2010, 12:19 AM


	قبل لا أبدا بالتعليق .. يمكن نشوف فيه مجموعه ملابس متشابهه وحلوة .. لكن حنا بنبين مين أحلى من الثانيه ووش اللي خلاها تطلع أحلى ولافتنه النظر أكثر .. تيور شبه رسمي .. بتنورة من الساتان الوردي .. الشبه بين الثنتين في التنورة لكن باليمين مع بودي بيضا قطنيه .. واليسار تيشيرت أسود مع جاكيت .. الثنتين أتفقوا على نفس الشوز وهذا اللي يناسب التنورة وهو شوز أسود رفيع ومغلق .. طللاتهم ثنتيناتهم حلوة لكن [ الخطأ ] هو ل اليسار أسمن من ال يمين وتنورة لفوق الخصر تظهر العيوب والأنتفاخ في البطن .. وطلع اليمين بشكل مرتب أكثر ولو إن تدخيلة التيشيرت والجاكيت باليسار ألبق للتنورة .. هالثنتين مدري وش طيحهم على الفستان .. قسم عورو قلبي .. فستان من الساتان باللون الأزرق الغامق .. بقصة الكوكتيل .. وخطوط طولية على الجانبين إلى منتصف الخصر .. الفستان يليق معاه شوز مغلق وهذا اللي صار باللي لابسه على جهة اليمين .. [ الخطأ ] باللي لابسة الفستان جهة اليمين .. نبدأ بأن الفستان .. حطت له ذيل وخلته كأنه فستان لحورية البحر وهو مايلوق له أبدا ً .. والشكل ظاهر على جهة اليسار كبف أفضل .. ثانيا ً الشوز اللي لونه فيروزي .. أبدا ً مايناسب الفستان لذلك هي كانت الأسوء .. فستان باللون الأحمر {سوري مو واضح القماش } .. بقصة جيب واسعه على شكل دائري .. ومع حزام بالمنتصف .. الحلو في الثنتين أنهم أتفقوا على الشوز الأسود المغلق.. وهذا الشوز الوحيد اللي يناسب الفستان .. يميز الفستان ع اليسار .. الفيونكه عطت جمال أكثر للفستان .. لكن [ الخطأ ] هو إن الفستان يناسبة النحاف أكثر .. يعني اليمين لأنها سمنانه شوي القطعه من فوق الحزام اللي بشريطه الساتان .. الفستان فيه زوائد ومخلي شكلها أكبر من عمرها .. هالجميلات لابسين نفس الفستان وطالع عليهم سكر وربي .. فستان باللون الأسود one shoulder الفستان بقماش كتان وفوقه زي الستارة مدري شلون صايره من الشيفون الأسود بالكسرات الكثيفة .. بالرغم من جمال الفستان ع الثنتين لكن ال [ الخطأ ] هو إن الفستان يناسب اللي جسمها مليآن أكثر .. ولو تلاحظون ع اليسار جسمها مرتب وهي مليانه بالفستان طالعه توب .. أما اليمين .. صايره نحيفه أكثر وبين على وجها أكثر.. لكن الفستان حلو ع الثنتين .. هذولا وش أعلق وش أخلي .. بلوزة من الحرير الأزرق بقصة جيب واسعه على شكل 7 .. ربيعيه الأكمام .. اللي ع اليمين صايره حليوة ومقبوله ولو إن البلوزة مخيسه .. لكن اللي ع اليسار .. صايره تيته من كثر ماهي مكبره شكلها .. [ الخطأ ] البلوزة نسائيه مو بناتية .. واللي ع اليسار صايره تحوم الكبد فيها .. الكارثه الفاشونية .. فستان من الشيفون .. طويل بقصة الكوكتيل .. مع أكسسوار مشكوك بقصة أسفل الصدر ممتد إلى العنق .. الفساتين هذي ماتناسب الا الطوال بشكل عام وحلوة على المتوسط طولهم لو كان مو أطول من طولهم .. الفستان هذا كان كارثه ع الثتنين [ الخطأ ] اليمين كان طويل عليها كثير وطالع شكلها مو مرتب أبدا ً واليسار أضافت شيفونات كثيفة باللون الأصفر وخرب الفستان كله وحتى أسفل الفستان ماكان مرتب .. فستان متوسط الطول ..باللون الرمادي بقصة جيب واسعه .. بأكمام طويله .. الفستان ع الثتنين أليقنت وطالعين روعه .. لكن ال [ خطأ ] ع اليمين لبست شوز باللون النحاسي لاهو قريب من الفستان ولاهو قريب من الاكسسوار .. لو ذهبي أو أسود كان صار مناسب أكثر حتى من الشنطه اللي ماسكتها .. الثلاثي الجميل هذا حوآآآق .. بلوزة من القطن باللون الرمادي بقصة جيب واسعه .. وأكمام طويلة .. ال [ خطأ ] على الصورة الأولى .. خلتها فستان وهذا مو حلو ولا مناسب .. ولابسه تحت البلوزة تدخيله باللون الابيض وبوت باللون البيج المخمل .. طلتها بالعربي هيلقية .. ال [ خطأ ] بالصورة الثالثة .. لابسه تايت اسود وبوت اسود وتدخيله باللون الاسود.. صايره طلتها مقيته .. أحلى الطلابت واللي عرفت تضبط البلوزة هي الطلة الثانيه .. حطت الحزام وغير من الشكل شوي .. ومن دون تدخيله لأن البلوزة ماتحتاج .. فستان باللون الأبيض بقصة جيب واسعه ومكشوف الاكتاف .. وخطوط باللون الاسود مع التذييله للفستان باللون ذاته .. ال [ خطأ ] بالصورة على جهة اليسار مره نحيفه والفستان ضايعه علومه عليها .. الفستان يبغاله وحده تمليه لأن .. قصته واسعه ومظهر الجانبين من جهة الصدر .. الثنتين اتفقوا على شوز باللون الاسود مفتوح وهذا اللي مناسب أكثر للفستان .. فستان مختلف اللونين بنفس القصه .. بقصة جيب واسعه دائرية ومكشوف الاكتاف .. الفستان جميل وشكله حلو وأليقنت لكن ال [ خطأ ] الصورة على جهة اليمين مو مرتب عليها الفستان من القطعه باللون الاسود متبهدله عليها .. والشوز المغلق للأسف مايناسب هالنوعية من الفساتين .. .. يتبع ..

ريتاج احمد · 10-14-2010, 12:21 AM


	مجموعة من البنات يشترون ملابس وإكسسواريز وأحذيه وشنط .. عشان يكملون الطقم ويكوون بيرفت .. وأحيان تكون من ماركات كبيره ومعروفه .. وسعرها بالشيء الفلاني .. وفي إعتقادهم إن سعرها الغالي هو سر جمالها وبيكون أليقنت .. وهذا الشي صحيح .. بس متى يكون هذا الشيء صحيح .؟! إذا لبستها بطريقة صحيحه .. ومتناسقه مع بعضها .. من الألوان .. وملائمتها لجسمها .. أحيان كثيره نشوف ناس كوكتيل في لبس الماركات مع بعضها .. وطالعين في قمة الشياكه والسبب بسيط .. تناسق القطع مع بعضها والأنعكاس الداخلي من اللي لابستهم عليها .. الأجسام المليانه .. ولا القصار تناسبهم الألوان الغامقه .. لسببين .. أولا ً تعطيها طول .. ثانيا ً تنحف وترفع من جسم الوحده .. بتقول ألوان الصيف مافيها ألوان غامقه بقول لك فيه الأزرق والأسود + الزيتي .. أما الألوان الفاتحه تناسب النحاف لانها تعطي جسم أكبر مثل الأبيض والأصفر والبيج .. .. يتبع ..

ريتاج احمد · 10-14-2010, 12:23 AM


	فستان قصير باللون الأبيض .. بقصة الكوكتيل .. مزرر ع الجانبين عند منطقة الصدر .. ال [ خطأ ] الفستان على صاحبته باليمين سيء لأنه مايناسب اللي جسمها ممتلئ .. ولأن اللون الابيض بعادته يعطي عرض وحجم اكبر .. وال [ خطأ ] الثاني للي على جهة اليسار لابسه صندل مزين بالكريستال وأكبر منها مقاس ومخلي شكلها جدا ً بايخ .. وال [ خطأ ] الثالث اللي على اليمين لابسه شوز بني فاتح وفلات .. هذا الفستان يناسبة من الشوز الأسود والذهبي وممكن الرمادي لو من دون كريستال وزحمه .. فستان بألوان ممزوجه بين الذهبي ودرجاته والأسود .. مكشوف الاكتاف .. بقصة جيب واسعه .. الحلو في الفستان يناسب الثنتين ومطلعهم تمام لكن ال [ خطأ ] اللي على اليمين لابسه شوز أسود وهو يناسبة الذهبي ولا النحاسي .. وال [ خطأ ] الثاني اللي على جه اليسار لابسه نعال الله يكرمكم .. النوع هذا من الفساتين يناسبة الصندر المفتوح .. والرفيع حتى يبان الفستان أكثر .. ولاحظنا أختلاف قصة الصدر بين الثنتين لكن كانت حلوة ع الفستان .. فستان قصير ساده باللون الاخضر .. بأكمام ربيعيه .. فستان عادي مافي مجال يتبط بأي طريقه وثنتيناتهم طالعين موش سيئات .. لكن ال [ خطأ ] في الشنطه على جهة اليمين .. لأنه مو شنطة سبور مره وتناسب الفستان .. هذا لاجا بيكشخون وموعارفين .. النوع هذا يناسبه الشنط السبور مثل على جهة اليسار ولا الشنط الصغيره اللي تمسك على الساعد .. كارثه يابنات .. فستان بقماش المخمل باللون الاسود بقصة جيب واسعه .. ال [ خطأ ] اللي على جهة اليمين لابسه فستان مايناسبها أبدا ً .. النوع هذا من الفستاتين تناسبة اللي جسمها ممتلئ أكثر .. واللي فيها عرض .. وال [ خطأ ] الثاني نفس اللي ع اليمين لابسه شوز مغلق .. وحنا تعبنا وقلنا النوع هذا يناسبة شوز مفتوح ولاصندل زي الحلوة اللي جمبها .. فستان أسود بزينه عند الحاشية بألوان متعدده .. ال [ خطأ ] اللي ع اليمين لابسه تايت ولابعد فلات مره وحده ..! .. هذا النوع مايناسبة يناسب إما شوز رفيع مغلق ولا فلات من دون تايت .. البوت مو بيرفكت لكن أفضل من الفلات .. فستان بلونين مختلفين .. قصير one shoulder بقماش الشيفون مبطن من الداخل .. ال [ خطأ ] اللي على جهة اليمين لابسه فستان أسود والأحجار اللي فيه باللو الأسود بإمكانها تغير لون الأحجار اللي فيه لكن معطيها نحافه أكثر وهذا يكسها نقطه .. وبعد لابسه شوز مغلق باللون البيج .. يفصل مع الاسود إما الذهبي أو الأبيض أو الاحمر أو على لون الأكسسواريز .. فستان طويل باللون الأخضر مع قصة ال one soulder .. فستان حلو ومناسب ع الثنتين لكن ال [ خطأ ] اللي على جهة اليمين .. لابسه فلات باللون الأبيض وهذي كارثه لأن اللون الأخضر .. مايتفق مع اللون الابيض إلا في درجاته الفاتحه .. بإمكانها تلبس نحاسي ولاذهبي .. لكن طلتها بشكل عام مقبوله .. فستان قصير .. باللون الفضي مزين بالشك باللون ذاته .. الفستان حلو ومناسب ع الثنتين لكن ال [ خطأ ] اللي ع اليسار .. لابسه جاكيت من الجلد فوق الفستان .. الجلد مع الشك مايجتمعون ممكن تلبس من الحرير ولا الشيفون لكن الجلد لاء .. لأن اللبس مو سبور .. لكن يحسب لها الشوز المغلق مع التايت الاسود .. فستان من الحرير قصير بلونين مختلفين .. بقصة جيب واسعه .. مكشوف الأكتاف .. عاري الظهر الفستان على الثنتين حلو ومابه عيب لكن ال [ خطأ ] اللي ع اليسار لابسه صندل حلو لكن اللون الاصفر شوه الجمال السبب .. موضه التطقيم كله لون واحد أنتهت وصارت شيء قديم لو مع فضي بيكون حلو .. اللي ع اليمين لابسه صندل أسود .. وزي ماقلت قبل الأحمر والاسود يتماشون مع بعض كثير .. فستان قصير باللونين الأزرق والأسود .. بقصة جيب واسعه مكشوف الأكتاف .. فستان حلو كثير ومناسبه الثنتين لكن ال [ خطأ ] التايت الابيض المرقط .. مايناسب هالفساتين .. يناسب الشورتات أكثر .. لو لابسه تايت اسود كات بتكون أليقنت .. .. يتبع ..

ريتاج احمد · 10-14-2010, 12:25 AM


	الأكسسوارات .. من الأشياء المهمه التي تكمل اللبس .. وتعطي جمال .. بس أحيان تخرب اللبس .. وتطلعك بشكل أوفر أكثر .. يعني إذا كانت عندك أكسسوارات حلوة ومناسبه لفستانك لاتلبسين معها أي من الذهب ولا المجهورات الثانيه لأن بيطلع التناقض وبيخرب عليك المظهر .. إذا إنتي كنتي مليانه ورقبتك شوي قصيره لاتلبسين أي عقد ضيق .. و ألبسي العقود الطويله اللي تجي لعند التيشيرت ولا الفستان .. وحاولي يكون في إختلاف باللونين من العقد والفستان .. وإذا كانت رقبتك طويله لا تحاولين تلبسين أي عقد طويل لانه بيعطيك طول أكثر وتخيلي شكلك .. الساعات .. الساعات .. انا عن نفسي نادر مااشوف بنات يلبسون ساعات كأكسسوار .. يلبسونها كأنه شيء أساسي ومعاه أكسسوار أسوار باليد .. بس وش المفضل من الساعات .. دائما ً خلي اللي سيرها جلد ملون بالنهار .. لأنها أكثر عمليه .. واللي سيرها لونه فضي ولاذهبي ولا فيها أي نوع من الزينه بالليل وبالسهرات.. يعطي مظهر مختلف جدا ً .. إذا كان لفستانك ولا التيشيرت تبعك فيه ياقه مغلقه .. لاتلبسين أبد أي عقد صغير ولا كبير .. ألبسي حلق وبتطلعين أليقت .. ولو كانت فتحة الجيب واسعه .. لاهنا مغطي العقود حول رقبتك على كيفك بس حاولي يكون بشي مناسب لقصة الجيب .. وفي الأخير .. الأصابع الطويله والقصيرة .. إذا أصابعك طويله لاتلبسين خاتم صغير حقين البيبيات .. صغار لأن يعطي شكل أكبر لصبعك .. يفضل خواتم كبر قريح .. وإذا صبعك قصير يفضل الخواتم اللي صغيره وتناسب الشكل وتخلي صبعك وشهو طوله .. .. يتبع ..

ريتاج احمد · 10-14-2010, 12:27 AM


	فستان قصير بقصة الكوكتيل .. باللون الرمادي الغامق .. مع زيج من الجلد اللامع باللون الأسود .. عند منطقة الصدر وفي حاشية الفستان .. فستان حلو . وكثير أليقنت لكن ال [ خطأ ] اللي ع اليمين لابسه الفستان وهو مومرتب عليها .. نلاحظ قصة الصدر طايحه ومو رازتها مثل اللي ع اليسار .. عشان كذا أهم شي يكون يكون الفستان ع المقاس ومرتب مره .. فستان قصير باللونين الكحلي والأبيض . مع قصة جيب واسعه .. مكشوف الاكتاف وعاري الظهر .. الفستان حلو وموديله مره نايس لكن ال [ خطأ ] اللي ع اليمين الفستان مو مرتب عليها وطالع بغير مقاسها الفستان يحتاج صدر يمليه وورك عريض شوي .. نلاحظ الفستان جهة لاصدر مومرتب .. ومن الاسفل فيه مسافه كبيره ومو طالع موديل الفستان المخصر كامل .. فستان قصير كامل بقطعتين .. بدي أسود ومن الأسفل تنوره باللون الابيض والبنفسجي والأخضر التفاحي بقصة جيب واسعه .. الفستان كله واحد بس كانه قطعتين حليو .. ولكل وحده فيهم قصة جيب على كيفها عجبتني كثير قصة اللي ع اليمين .. لكن ال [ خطأ ] اللي ع اليسار لابسه جاكيت بنفسجي أبد مو جاي ويا الفستان لأنه مدموج في الحاشية باللون الأحمر .. وهذا اللون اللي مو في الفستان خاصة ان الفستان فيه 4 ألوان .. فستان باللون الأبيض مع التشكيله باللون الفضي بقصة جيب واسعه .. فستان حلو وعملي وبنفس الوقت رسمي لكن ال [ خطأ ] اللي ع اليمين الفستان مو مقاسها وطالع عليها مو مرتب عشان كذا قصة الصدر مره نازله .. فستان أسود قصير بقصة الكوكتيل عاري الظهر .. بقماش الساتان .. فستان مره حلو لولا الشي اللي عند الحاشية ماعجبتني .. ع الثتنين طالع حلو لكن ال [ خطأ ] هو اللي ع اليسار لابسه الفستان وهو من الساتان بمعنى يفصل المعالم .. وغير كذا هي جسمها مليان .. ومطلع عيوبها .. اللي ع اليمين لابسه جاكيت .. من الكتان وطالعه مره أليقت وعادتها دايم كيم لبسها حلو .. فستان باللون البيج مع تشكيله الاسود بقصة جيب واسعه .. الفستان حليو نوعا ً ما .. لكن ال [ خطأ ] اللي ع اليمين لابسه الفستان وهو مايناسبها يناسب السمان .. حتى اللي ع اليسار مو مليانه لكن حطت شريطه عند منطقة الوسط واعطى الفستان اخثر تخصير .. ال [ خطأ ] الثاني اللي ع اليمين لابسه فلات بلون مدري كيف جاي .. أبد مو مناسب للفستان .. فستان قصير بقصة الكوكتيل .. باللون الرمادي بقماش الكتان الثقيل .. والساتان عند منطقة الصدر .. الفستان حلو ع الثنتين ومابه عيب لكن ال [ خطأ ] هو اللي ع اليمين لابسته وفيه بروز بمنطقة الصدر والفستان مره مخصر مظهر البروز ومخلي شكلها مو مرتب .. والجاكيت القطني اللي لابسته ع اليمين مغطي شوي على مشكلة الحوض اللي صاير عريض .. أتوقع هالي في هالفستان كانت حامل حتى حوضها صاير عريض .. فسالتين موضة صيف 2009 ومازل البعض يرغب فيها .. فستان طويل بقماش الشيفو متعدد الطبقات مشجر بألوان وتشكيله متنوعه .. مع حام من الساتان باللون الذهبي أسفل منطقة الصدر .. الفستان حلو ع الثنتين لكن ال [ خطأ ] اللي ع اليسار مو طويله حيل وهذا الطوال مطلعها قصيره الفساتين هذي لأنها قطعه وحده تناسب الطوال لأنها تقصر غير لاكانت قطعتين .. فستان ساده طويل باللون الاخضر يتوسط الفستان حزام باللون ذاته .. ع الثنتين تمام وطالعين توب .. لكن ال [ خطأ ] اللي ع اليسار لابسته وصايره مدام مع مرتبه الشرف .. السبب لأن حجم صدرها كبير وطايح بهالفستان .. عكس اللي ع اليمين رازه نفسها وغالبا ً اللون الساده والفاتح يكبر الصدر عن حجمه الطبيعي .. تيير بلونين مختلفين .. بقصة جيب واسعه .. وتنوره مفصله حتى الساقين .. التيير حلو وماعليه كلام حتى قماشه حلو .. لكن ال [ خطأ ] اللي ع اليمين لابسه التيير باللون الفاتح أولا ً خافي معالم التيير والقصه .. ثانيا ً هي فاتحه ولابسه لون فاتح فصاير شكلها باهت مره .. يتبع

ريتاج احمد · 10-14-2010, 12:29 AM


	وفي الأخير أتمنى الغاية من الموضوع وصلت وهي .. كيف تختارين لبسك اللي يناسبك .. ؟! و كيف تظبطين معاه باقي الأكسسواريز .. والأحذيه والشنط ..؟! وكيف تمتلكين مظهر لافت وحلو ومبهر..؟! .. من خلال الاخطاء اللي سقطوا فيه الاغلبيه .. قارنا بين 30 تشكيله .. وأكيد أستفدنا منها الشي الكثير .. حبيت أني أدمج النصائح العامه للمظهر اللي يخص الأزياء .. وهو اللبس والأكسسواريز .. حتى يكون للموضع قيمة وفي النهاية أتمنى موضوعي عجبكم .. لكم حبي

نسرين سليمان · 10-14-2010, 11:39 PM

مشكورة غاليتى عالموضوع الرائع

فعلا اللبس فن وذوق وما يناسبنى لا يناسب غيرى

ملاحظات متميزة

تحيتى

اعلانات نصية
شـات توب عرب	فـيـديو وصوتيات	لقاء مع اغنى امراة في مصر	ترقص وترسم احلا لوحة	الـعـروض الـتـجـاريـة rss	تـوبـيــكـات حزينة rss	صـور اطـفـال rss	صـور طـبـيـعـة rss
بـرامـج الـكـمـبـيـوتـر rss	ازيـاء rss	مساحة إعلانيه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ذكر يمحي عشر سيئات موبقات يوميا من بينها الشرك بالله ,السحر ،رمي الزوجة بالزنا,....	غير مسجل	المجلس الاسلامي العام	2	09-27-2010 03:28 PM
تشابه في الوان القمصان يكلف شينجن الصيني ثلاث نقاط	دموع العين	منتدى الاخبار الرياضية	0	09-08-2009 06:32 PM
أشياء تفقدها المرأة وتتسبب في أن يفقد الرجل 3 أشياء أخرى ..	سمسمه	مجلس حواء العام	3	08-18-2009 07:33 AM
تشابه بين شيئين تملكهما ...............	غدير	المجلس الترفيهي العام	2	07-29-2009 08:50 PM
{لولا ... أشياء لما تكونت أشياء}	لوجين	المجلس العام	1	05-15-2009 10:18 AM

الذين يشاهدون محتوى الموضوع الآن : 2 ( الأعضاء 0 والزوار 2)

تشابه أزياء يفصل بينها الذوق والأختيار السليم تشابه أزياء يفصل بينها الذوق والأختيار

الجمال والاناقة

تشابه أزياء يفصل بينها الذوق والأختيار السليم تشابه أزياء يفصل بينها الذوق والأختيار

تشابه أزياء يفصل بينها الذوق والأختيار السليم تشابه أزياء يفصل بينها الذوق والأختيار